Jo us ki yaad aati hai to kyoun mehsoos kerte ho?
Mohabbat dil dukhati hai to kyoun mehsoos kerte ho?
Tum un logon se hut ker bhi to zinda reh nahi sakte
Ye duniya dil dukhati hai to kyoun mehsoos kerte ho?
Baraste hain jo badal to uter jaata hai bojh un ka
Tumhen khawaish rulati hai to kyoun mehsoos kerte ho?
Wohi chasm-e-tasawur hai,wohi hai dil ki halat bhi
Wo surat hashr uthati hai to kyoun mehsoos kerte ho?
Kaha tha kis ne rakho tum sunehre khawab aankhon main
Aseer-e-neend urtii hai to kyoun mehsoos kerte ho?
Usii se milti julti hain adaaen sab bala'oun ki
Hawa pagal banati hai to kyoun mehsoos kerte ho?
Jise tum chand kehte the wahi hai aankh main roshan
Agar shab jagmagati hai to kyoun mehsoos kerte ho?
Posted by: Quran-ul-Ain 03 February 2008
Poetry Viewed: 123
4 Responses to "Jo us ki yaad a"
Mari,, Says: January 20th, 2010
very very very nice poem...i real;y like it
waqya kya baat hai,
Posted by: Quran-ul-Ain 03 February 2008
Poetry Viewed: 123